01 February 2011

kenduri aqiqah @ Berindui kat kg geylang, NSDK.

100_3090

Auni zara tongah testing buaian nih kuek ko tak, bolom mandi laei dah enterprem muko kek dopan digicam, dongan belon eh laei, dah la tido mlm tu muntah susu, smpi ke pagi lah baru papa tukar, sbb tu kakak mandi awal pagi tu…hehehe

 

 

100_3094

Gambar nih maso uwan2 ongah tongah berzanji, kosan eh ado lagu mendodoikan baby dlm loghat nismilan, sodap gak lagu eh, mmg camtu agak eh adat berindui kek nismilan nih, den dulu pon camtu agak eh, yolah…camno nak ingat maso tu baby laei…huhu

 

 

100_3099

Yang pakai soroban baju biru tu imam sojid kampung geylang, kalau ado org nak nikah ko, apo ko, dio lah yg menguruskan, pic nih dio tongah gunting rambut aniq zaquan tu, amik berkat tok imam tu, insyaallah bosa nnt aniq zaquan pulak bleh take over tompek tok imam tu…amin…

 

 

100_3105

Alahai aniq zaquan… cool jo dio, dio tak tahu mama eh tak larat dah nak dukung dio tu, body mantap..chubby…bikin sumo org goram bilo nengok eh…nampak tak cecair kuning dlm mangkuk tu, den ingat an apo td, tolo kosan eh, tompek korang pon camtu gak ko? cecito sikit…den ni ha umur 32 baru la tau….hahaha…

 

 

100_3130

Umang ai…sodap yo ekau tido dlm tu aniq zaquan… org kiri kanan buek horok pon ekau buek dek jo…maklumlah selamo nih mano ponah mama dgn papa ajar tido dlm buai, tido ateh bahu papa selalu la…what ever la…dapek gak aniq zaquan meraso tido dlm buaian tradisional org nismilan…

100_3135

Kek nismilan nih kosan eh org gunting rambut baby tu bukan sorang duo mcm kek kelate, tp kalau buleh satu kampung smpi bungo tolo tu abih la, dah lotih mama dukung aniq zaquan terpakso lah papa yg take over dukung bwk smpi keluar ghumah, smpi berpoluh la papa dibuek eh, tp takpo lah…bukan selalu…

 

100_3139

Yang pakai tupi askar dan tudung merah tu abah dgn omak den, merangkap atuk dan uwan pado auni dgn aniq la…nih maso abah den tongah gunting rambut anak angah den ni, nurin aliya namo anak eh…kitaorg tumpang aqiqah anak dio sebonar eh, dio yg plan nak buek kenduri nih mulo eh…

 

100_3144

Apolak ekau cembeng tu zaquan? agak eh tak seleso sbb palo eh dah sojuk, apo tak eh ramai na org yg meronjis ateh palo eh…nasib la zaquan…

 

100_3149

Kalau korang nak tau, baby yg duduk dlm buaian tu didodoikan dgn lagu loghat nismilan, tp mmg best la lagu eh, jarang2 dapek donga, time2 mcm nih la baru dapek donga tp x dapek nak hafal plak, nnt la sonang2 den mintak enikato eh kek tok imam tu… tu pon kalau dio bg la…

 

100_3092

Tapi yg boto2 den ingat dari kocik smpi skrg ialah acara merobut gulo2 dgn cekelat yg tergantung tu…smpi bilo tradisi tu akan berterusan pon den x tahu, dulu maso kocik2 mmg den antara jaguh rebut gulo2 la…sib baik dio tak gantung henfon ko, digicam ko, psp ko, kalau tak pakcik kayooooooooo…hahahaha

3 comments:

kasihibu said...

aniq..
dah lamo acik tak jumpo majlis gantung belon dan gegulo macam nih
memang seronok

wida said...

wah..lain yer org nogori punya mjlis aqiqah.
terkial-kial gak lah nak baca n3 nogori ni..x phm..hehe

Ujang9897 said...

baby tue nangis comel..hehe

LinkWithin

Related Posts Plugin for WordPress, Blogger...